備忘錄 No.254歌詞 | 摩四青年
備忘錄 No.254歌詞 | 摩四青年 | 組合 | 新歌快遞 | 經典廣東歌 | 香港填詞人 | Global Music | 主頁
作詞：PetPetShawn
主唱：PetPetShawn 摩四青年
備忘錄 No.254歌詞
備忘錄 No.254
最近逼脂肪逃亡放棄咗色香味同床
由以往買野齋睇相到先睇蛋白質同糖
我開始掛住舊嘅自己 近半年少咗忍同藏
到身邊開始多是非 兄弟提醒自己從旁
音樂係個減壓器 但同時亦係半個綁匪
我諗緊租金可以點比 諗緊新方法去說服自己
有貨定係燶 口頭禪一樣 邊有咁易死
但事實我都醒唔起上次過萬係幾時比
一樣手頭緊 但肌肉有些少
我諗起肥嗰陣 睇咩都似Menu
我做嘢憑感覺 似合埋眼掟鏢
寧願無安全感 都唔想齋剔表
實現未必有保險 而現實較易撈得掂
卸膊舒服搵到錢 但我寧願有肩周炎
我抱歉炮仗頸有時令身邊人企剃刀邊
但感恩高低順逆依然有班雷嘅喺身邊
年月反兩反 稚氣蒸發 將稻殼曬成谷
你話語變精簡同時父母叮囑卻變重覆
幾個箭步跑向前 有人快亦有人仆
彈唔彈得起我望兄弟眼神亦無閃縮
仍然仲玩緊 灰啫未反感
晚黑先精神 日頭先關燈
想搞間酒吧 太貴啦餐飲
換咗部電視 換埋新攬枕
複式嘅單位 同一個班底 上層錄歌下層講人生
無本事供樓 唔打算生仔 算唔算另一種責任感
有人話聽唔明我啲歌
我答翻佢哋聽唔明係好事嚟
樓上一鑽嘢就半年起
我懷疑佢哋上面起緊迪士尼
接觸越多荒謬嘅嘢聽得越多
有人無錢開飯 但係有錢賭波
九成Show都容納唔到T字頭嘅禁歌
好耐無用Carousell啲乞衣仲係咁多
運係我嘅謙詞 命係佢嘅藉口
愚笨係錯都堅持 同未了解就插手
自信係戶口歸零 都無將希望拆走
鵪鶉係網上批評 現場就大力拍手
生活要解決各種問題 大至養家小至瞓一覺
生存從來非學術範圍 只有自學永遠無得教
一旦被生計扼緊咽喉 帶夢嘅煙火就無得爆
似當日嘅黑豹無咗竇唯 職業拳手慣性甩骹
似當日嘅黑豹無咗竇唯 職業拳手慣性甩骹
朝代卻總係話嚟就嚟 我哋嘅出現似拜火教
摩四青年 | 組合 | 新歌快遞 | 經典廣東歌 | 香港填詞人 | Global Music | 主頁
